punk


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الخيانه!!!!!!!! مررره طويييييييييييله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
emoo
Admin
avatar

عدد الرسائل : 84
العمر : 24
تاريخ التسجيل : 19/04/2007

مُساهمةموضوع: الخيانه!!!!!!!! مررره طويييييييييييله   الأحد يوليو 08, 2007 6:39 am

السلام عليكم

قراة هذي القصيده في منتدا العان

وكاتب الموضوع يقوول بعد ما سالووه عن اسم الشاعر

القصيدة قايلها غير معروف وذالك بسبب الخيانه الي تعرضلها من زوجته ولهاذا لم يعرف صاحبها الله يكفينا وياكم شر الخيانه


لا ردك الله لا ولا اطلـب تـرديـن
ادعي عليـك بعثـرة فـي صلاتـي
عثره تشلـك مـا بعدهـا تقوميـن
يا قاتلتنـي يـوم صرتـي حياتـي
خدان لـك بالقلـب كانـت بساتيـن
وريضان وغصونـا بهـا يانعاتـي
كنتي مناة القلـب والـروح والعيـن
واليـوم عينـك يعلهـا مـا تباتـي
كنت أحسبك للعهد والحـب توفيـن
قلتي الغدر بالحب ماهـي بسواتـي
وحلفتي يمين الله مـا منـك اثنتيـن
وانـك مـلاك دون كـل البنـاتـي
وانك على عهـد المـودة تسيريـن
ولا تسمعين أهل الحسد والوشاتـي
وصار اليمين ستار خلفه تواريـن .
ورماح غـدرك بالخفـا مشرعاتـي
وبان الغدر سـم جـرى بالشراييـن
الله عسـى يسقيـك سـم الفعاتـي
كلي سقيتك حـب واليـوم تنسيـن
تقولين حلـم ايـام واليـوم فاتـي
خذتي الهوى لعبه على مـا تحبيـن
لين عصفـت بالهـوى عاصفاتـي
من زينك يا بنت بالشعـر تزييـن ..
.. من صـورك بابياتـه الطايلاتـي
انا من غرامي قلت كانـك تذكريـن
قلت الخجل صاب البدر مـن مناتـي
وصرتي بشعري في العذاري تباهين
تقولين انا شمس العصر في حلاتـي
زينتك بشعري ولا غربـك الزيـن .
.ما زانتك صبغات حمـر الشفاتـي
صورتك بالشعر حـزام ورياحيـن .
واثرك هضاب وشوك ما به هداتـي
رسمتك سحابه خير قطـر تنفيـن .
فزت لك الصحراء زهـور ونباتـي
رسمتـك مهـاه للجميلـه تقوديـن
واثرك قطيعـه وضيعتهـا الرعاتـي
واثرك غراب يوم سـدل الجناحيـن
كنت احسب اني شايف لـي قطاتـي
بالشعر غليتك على كـل غالييـن ..
.واثـرك دنيـه وتعشقيـن الدناتـي
وبالشعر عاتبتك عتـاب المحبيـن .
انا من يسوم الروح لك يـا غناتـي
توسلت لك خايف على حب عاميـن
.عامين لكن فـي حسابـي مئاتـي
ناديت لكن لي ابد مـا تسمعيـن ..
.عمري وروحي فكري فـي ثباتـي
حذراك للشينات عمري تماشيـن ..
..عديمات اصل اخلاقهـن دانياتـي
غاب الولي عنهن ولعبن بحبليـن .
.يا خس واليهـن وخـس الولاتـي
ما همهن في الناس زين ولا شين ..
.وقلوبهن مـن حقدهـن مظلماتـي
وقلتي وربـك لـو يكونـا ملاييـن
ما غيرن بالطباعهن مـن سماتـي
تحسبين انـك بالمهافـه ترقيـن ..
.كيف الصعـود يكـون للهاوياتـي
وخنتي وبعتي كل عهـد واياميـن ..
..ما عاد يفرق بين ماضـي واتـي
وصرتي مثل غيرك برخص تبيعين .
يا مرخصتني ما بقـى لـك غلاتـي
صبري نفذ واليـوم ثـارت براكيـن
مظلوم انا وباكـر تحـل ادعواتـي
سمعي عسى من بعدها ما تسمعيـن
سمعي دعا من صار قلبه حصاتـي
ادعي عسى من ناضرك ما تشوفين
وتطحن بك الايـام طحـن الرحاتـي
وعساك عوق منه ما عـاد تبريـن
عوق تشافق لـه قلـوب العداتـي
ويالله عسى يحتار فيك المداويـن .
..تبين الممات ولا يجيـك المماتـي
ويالله عسى كف الندامـه تعضيـن
تندمين يـوم انـه يفـوت الفواتـي
وتبكين دم يسيل من مقلـة العيـن
وتحتار امك عـن عنـاك وتحاتـي
عسى ما تلاقي من له القلب تهديـن
وان حصل ادعي عسـاك الشتاتـي
يا بلوة اللي وسط بيتـه تعيشيـن .
.ساهي وحوله شب جمر الغضاتـي
عسى بعمرك ساعـه مـا تهنيـن
وتمضي حياتك بيـن هـم وشقاتـي
يا بنت قلبي وين مثلـه تلاقيـن ..
.قلبا عطاك الحب مـا قـال هاتـي
جيتك وروحي شلتها لك بكفيـن ...
.وفي التاليه رمح الخيانـه جزاتـي
يالله عساك النار يـا أم وجهيـن .
.كله انكشف لا مـا تفيـد العباتـي
ويالله عسى تلبسك جـن وشياطيـن
وتكونين مدعاة الحكـي والشماتـي
يا حيـة رقطـا تقـود الثعابيـن .
باكـر تحـن ايامـك المعتمـاتـي
وباكر على فعلـك بمثلـه تجازيـن
ظلم المشاعر مـا تحكمـه قضاتـي
بيني وبينك تحكـم ايـام وسنيـن ..
..وانا شاهدي قلبا من الغدر ماتـي
ويا دمعة التمسـاح لالا تذرفيـن .
..العيون رغـم ادموعهـا كاذباتـي
لا ما عرفتي الحب لا مـا تحسيـن
وغدرك تعدى غـدر ذيـب الفلاتـي
الذيب يعوي قبـل يغـدر بمسكيـن
وانتي غدرتي خافقـي فـي سباتـي
لو كان غدرك في كفوف الموازيـن
لكـان رجـح كـل غـدر البناتـي
انتي السبـب سقتـي علـى القلـب
جرحين غدر الغرام وموجع الذكرياتي
وانتي السبب واليوم لالا تلوميـن .
وان جاك باكر شوفي اشلون يأتـي
والله لاكتب وافضحك في دواويـن .
وارقص واغني يوم خبـر الوفاتـي
وارسم لاهل العشق قلبا وسهميـن
وقصة خيانه مـا روتهـا الرواتـي
ويمين لانشر فوق اسمـك عناويـن
واشهرك من قاصي اليمن للفراتـي
ومن غرب هالدنيا الى قاصي الصين
ديـوان غـدر فيـه كـل اللغاتـي
والبادي اظلم سنـة العيـن بالعيـن
والا فـذي لا عادتـي ولا صفاتـي
ويا شبه انسانه بـرأس ورجليـن .
.اعـوذ بالرحمـن منـك بصلاتـي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://emo0o0o.youneed.us
ranooosh
vip
vip
avatar

عدد الرسائل : 65
تاريخ التسجيل : 02/10/2007

مُساهمةموضوع: رد: الخيانه!!!!!!!! مررره طويييييييييييله   الثلاثاء أكتوبر 02, 2007 4:09 pm

والبادي اظلم سنـة العيـن بالعيـن

صح لسااانك Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الخيانه!!!!!!!! مررره طويييييييييييله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
punk :: منتدى الأشعار و القصائد-
انتقل الى: